По апсењето на Горан Џониќ (59), во спектакуларна акција денеска полицијата им стави лисици на двајца браќа од село Моравац, А.М.(29) и К.М.(30), кои се осомничени дека биле соучесници во убиството на Горан, Гордана и Лидија Ѓокиќ од Алексинац рано утрото на 26 септември.
На видеото на МВР на Србија се гледаат инспектори со панцири како трчаат во дворот и две лица лежат на стомак со лисици на рацете.
Според првите, неофицијални информации, двајцата вршеле притисок врз осомничениот Горан Џониќ, инаку роднина на убиениот Ѓокиќ, да го ограби богатиот роднина од Алексинац и сопственик на менувачница. Џониќ знаел дека Ѓокиќ има сефови во својот автомобил, затоа што понекогаш го перел автомобилот на својот роднина кој немал доверба во пералниците.
Полицијата пронајде неколку докази за кои сметаат дека го поврзуваат Џониќ со монструозно злосторство: скутер за кој веруваат дека го користел за време на грабежот, поголема сума на пари за која инспекторите веруваат дека е сопственост на Ѓокиќ и пиштол испратен на вештачење пронајден во неговиот стан во Алексинац За да се утврди дали бил искористен во ликвидацијата на Горан, Гордана и Лидија Ѓокиќ.
Дополнително, тој беше обвинет и од некои сведоци, од кои едниот изјави дека Џониќ му ги вратил парите што му ги должел по убиството. Друг во полиција изјавил дека по негова наредба направил пригушувач за пензионираниот пожарникар.
Истражните органи се посомневале дека има повеќе сторители, а денеска се уапсени браќата, инаку претходно познати на полицијата, кои Џониќ ги означил како соизвршители.
