Македонското правосудство се соочува со една од најтешките и најобемни антикорупциски истраги досега. Во рамките на опсежна постапка што ја води Основното јавно обвинителство за гонење организиран криминал и корупција, а која започна на 14 декември со сомневање за кривично дело „примање награда за противзаконито влијание“ против адвокат, истрагата драматично се прошири и кон судија од Апелацискиот суд во Скопје.
Според официјалните информации, судијата е осомничен за противправно стекнување и прикривање имот, за кој постојат сериозни сомневања дека е прибавен преку коруптивни дејствија и трговија со влијание – кривични дела што директно го поткопуваат темелот на правната држава.
Кулминацијата на истрагата се случи денеска, кога по наредба на надлежен суд, обезбедена на барање на јавен обвинител, беше извршен детален претрес во Неготино, во домот на родителите на осомничениот судија. Она што таму беше откриено ја шокираше јавноста: 350.000 евра, внимателно соѕидани во простор во самиот ѕид, пари за кои постои основано сомнение дека се незаконски стекнати и намерно прикривани.
Претресите и другите истражни дејствија продолжуваат со несмален интензитет, а од Обвинителството најавуваат дека јавноста навремено ќе биде информирана за секој нов чекор и евентуално проширување на постапката.
Станува збор за една од најсериозните истраги за висока корупција во поновата историја на државата, поткрепена со разузнавачки информации и известувања од Агенцијата за национална безбедност, што ѝ дава дополнителна тежина и значење.
Операцијата е резултат на координирани дејствија на јавниот обвинител, а на терен активно учествуваат припадници на Одделот за борба против организиран криминал при МВР и Управата за финансиска полиција. Нивната професионалност, посветеност и институционален интегритет беа клучни за разоткривање на еден од најсложените и најопасните облици на криминал – корупцијата во самите врвови на системот.
Оваа истрага се смета за сериозен тест за институциите и за решителноста на државата конечно да расчисти со недопирливите
Leave a Reply