Во организација на Vienna Economic Forum и Society Magazine, на 10.06.2022 година, во Виена се одржа 21-та традиционална Garten Party – кулинарско и музичко патување низ земјите членки на Vienna Economic Forum, на која, со свои национални специјалитети и фолклор, се претставија Амбасадите на Северна Македонија, Црна Гора, Молдавија, Босна и Херцеговина, Турција, Словенија, Романија и Бугарија. Настанот е добар повод, низ дружење и забава, да се презентираат националните култури и туристички можности на земјите учеснички.Амбасадата на Р. Северна Македонија изразува искрена благодарност до Restaurant Donau, Mama’s компанија, Винарија Далвина, Оркестар Александар и КУД Македонка, во рамките на Црковната општина Св. Наум Охридски од Виена, за нивниот несебичен придонес во претставувањето на дел од традицијата и културното наследство на нашата држава.
