На социјалните мрежи се појавија снимки на кои се гледа моментот кога авион Боинг 737 со повеќе од 132 патници се урнал и предизвикал пожар во кинеските планини.
Според снимките, авионот на компанијата „China Eastern Airlines“ паѓал вертикално кон земјата пред да удри во ридот и се запалил во близина на градот Вужоу во областа Тенг во јужната провинција Гуангкси.
Авионот на летот MU5735 на China Eastern Airlines се урна во близина на градот Вуџу, во регионот Гангкси, и предизвика пожар во планините. Кинеската управа за цивилно воздухопловство (CAAC) потврди дека авионот се урнал, наведувајќи дека на летот имало 123 патници и девет членови на екипажот, поправајќи ги претходните извештаи дека во авионот имало 133 лица.
Според локалните медиуми, авионот на летот MU5735 полетал нешто по 13.00 часот по локално време (6.00 часот по средноевропско време) од југозападниот град Кунминг. Тој одлетал во јужниот град Кантон, оддалечен околу 1.300 километри. Авионот изгубил контакт над планините Вуџу, во планините Гангкси, соопшти CAAC.
