Илјадници луѓе протестираа во Тирана, Корча, Драч… поради поскапувањето на горивото, за што владата ја обвинува војната во Украина.
Граѓаните на Тирана кои протестираат трет ден по ред вчера одржаа мирен двочасовен митинг пред Владата, а потоа се упатија кон главниот плоштад Скендербег. Полицијата ги спречи да ги блокираат улиците.
Владата на премиерот Еди Рама воведе контрола на цената на горивото и ги повика Албанците да користат помалку автомобили, откако минатата недела цените на горивото се зголемија за 50 отсто.
Во најмалку шест други градови, демонстрантите привремено ги блокираа патиштата, а имаше и судири со полицијата во кои беа приведени голем број луѓе.
Во Корча дошло и до судир помеѓу студентите и полицијата.
