Ако некој беше посреќен од Кристијано Роналдо по реализацијата за 3-2 на дуелот против Аталанта, тоа несомнено беше АЛЕКСАНДАР ЗЕЛЕНИКОВСКИ кој веднаш го украде вниманието на камерите со својата емотивна прослава на голот.
Александар го следи Манчестер Јунајтед постојано, присуствува на домашните натпревари, но ги бодри „црвените ѓаволи“ и на гостувањата. Каде и да се појави со него го носи ЗНАМЕТО СО СОНЦЕТО ОД КУТЛЕШ. Вели дека е исклучително среќен што токму поради тоа знаме – луѓето го препознаваат.
Во Јунајтед се има „заљубено уште во мали нозе“, а главна причина за таа љубов е ЕРИК КАНТОНА.
„ Порано англиски фудбал се емитуваше на првиот канал на МРТ. Татко ми навива за Милан, но гледаше и други лиги, па се погоди да го гледаме Манчтестер Јунајтед. Еден играч на тој тим посебно се издвојуваше. Кога Ерик Кантона постигна гол, начинот на кој го прослави и реакцијата која ја предизвика кај навивачите, беше доволна да си кажам – тоа е тоа. “
Првиот натпревар кој го следи во живо е гостувањето на Јунајтед во Романија кај Отелул, меч во рамки на Лигата на Шампионите (2011 година).
„Мојот прв натпревар проследен во живот беше дуелот Отелул-Манчестер Јунајтед, во Романија. Тој меч нема никогаш да го заборавам. Стрелец на головите беше Вејн Руни, кој ми е еден од омилените играчи“.
Александар веќе се подготвува за наредниот предизвик на Јунајтед, мега дербито против Ливерпул, на кое очекува ПОБЕДА.
„Ливерпул игра фантастично во последно време, меѓутоа секое дерби во Англија е приказна за себе. Секогаш очекувам и посакувам победа на мојот Манчестер Јунајтед“.Повеќе фотографии од Александар во врска со вчерашниот натпревар може да погледнете во коментар. Во меѓувреме поддржете го и неговиот фан клуб MUSC-Macedonia,
