Државната изборна комисија се уште ги пребројува гласови, вечерва на прес конференција треба да бидат соопштени официјалните резултати.
Околу 50 илјади гласови збирна предност на советничките листи во сите општини во земјава оствари ВМРО-ДПМНЕ на вчерашните избори.А 10.505 гласа е најголемата разлика во гласовите помеѓу ВМРО-ДПМНЕ и СДСМ во Кавадарци.
Во 34 општини се избрани градоначалници во првиот круг од локалните избори што се одржаа вчера, покажуваат првичните резултати на Државната изборна комисија објавени на нејзината веб-страница.
Во првиот круг ВМРО-ДПМНЕ освои 21 градоначалник, СДСМ девет, ДУИ три и еден Демократска партија на Турците во Македонија.
Втор круг ќе има во 46 општини и во Градот Скопје.
