Марко Младеновиќ од Србија, кому во 2013 година му беше дијагностициран тумор во ‘рбетот и кој се бореше како лав и обедини хумани луѓе не само во Србија, туку и во регионот ја загуби битката на само 21 година, јавуваат српските медиуми.
– Со голема, голема болка, голема тага, морам да ве известам дека Марко почина денес. Не успеав да го сретнам, имав голема желба. Сега тој е меѓу ангелите, сега не мора да трпи болка, сега. .. Беше млад, требаше да живееш, требаше да се вратиш здрав и да ни се придружиш во оваа хумана борба за другите, тоа ти беше желба … Сепак, морам да ве молам и понатаму, мораме да им помогнеме на родителите на Марко да го отплатат долгот кон болницата кој чини 21.500 евра, стои во објавата на Фејсбук страницата „Биди хуман-хуманитарна лицитација“, а потврдатза за оваа трагедија пристигна и до повеќе медиуми.
Инаку, Марко се бореше како лав до последниот ден во болница во Турција, под седативи и во големи болки, го загуби видот и слухот, се бореше за живот сам и потполно беспомошен, но судбината беше посилна. Лекарите го признаа поразот и се повлекоа.
Да потсетиме, Марко беше опериран и третиран со хемотерапија. Седум години подоцна, болеста се повтори, но во потешка форма. На почетокот на 2020 година, туморот се врати, а на крајот на март, Марко мораше да направи уште една операција и туморот беше отстранет.
По контролната слика и дијагнозата на постоперативната состојба, откриен е друг тумор, кој не бил присутен при претходното снимање. Поради големината на туморот, итно беше извршена операција.
Марко го загуби животот на само 21 година.
– Со голема тага, ви потврдувам во име на семејството дека информациите се точни, велат членовите на семејството за порталот „Еспресо“.
