ЛЕСЕН И ОД БОГА БЛАГОСЛОВЕН ПОСТ

Богородичниот или Успенскиот пост е единствениот, посветен на Богородица: започнува две седмици пред празникот Успение на Пресвета Богородица. Богородичниот пост е исто строг, како и Великиот(Велигденскиот) пост: од понеделник до петок е строг пост, во саботите и неделите е дозволено и масло, додека риба се дозволува само на празникот Преображение Господово (19 август). На самиот празник, 28 август, се блажи, освен ако празникот не падне во среда или петок, и во тој случај постот е олеснет со употреба на риба. Според црковното предание, Богородица дознала за своето преминување од овој свет и се подготвувала за тој премин со пост и засилена молитва, иако самата и немала потреба од очистување на душата зашто целиот Нејзин живот бил образ на светост и жртвеност. Затоа ние Православните го постиме овој пост во чест на Пресвета Богородица, за макар делумно да се угледаме на Нејзината чистота.Лесни и Богоугодни пости. По молитвите на Пречистата Богородица , за здравје и спасение да ни бидат…Амин.