ТАНЕЦ СО БЛАГОДАРНИЦИ И СПЕЦИЈАЛЕН КОНЦЕРТ ИМ СЕ ЗАБЛАГОДАРИ НА СВОИТЕ НАЈГОЛЕМИ ПОДДРЖУВАЧИ НА АВСТРАЛИСКИОТ КОНТИНЕНТ

После успешниот концерт во Рециталниот центар во Мелбур, ансамблот ТАНЕЦ и организаторот на турнејата во Австралија, ансамблот „Тоше“ поддржани од Шелдон Рисепшнс, вон предвидената агенда приредија специјална вечер и за најголемите љубители на македонскиот фолклор, културно-уметничките друштва во Мелбурн. Во оваа прилика им беа доделени и благодарници на раководителите, кореографите и доајените на овие друштва, за нивните заслуги во негувањето на македонскиот фолклор во нашата австралиска дијаспора. ТАНЕЦ со овој чин сакаше да им се оддолжи за нивната постојана поддршка во сите седум децении на своето постоење.