Овој викенд започнува долгoочекуваната Австралиска турнеја на популарното музичко шоу „ИмаТ немаТ“. Првиот настап ќе се одржи во петок, 17 октомври, во Волонгонг, а веднаш следниот ден 18 Октомври – во сабота – шоуто се сели во Сиднеј, во Македонската сала во Рокдал – Илинден.
Дел од екипата веќе пристигна во Австралија, а останатите тргнуваат денес. Од продукцијата на „ИмаТ немаТ“ најавуваат полни и весели концерти, вистинско уживање за нашите Македонци во дијаспората.
Посетителите ќе имаат можност да ја почувствуваат вистинската атмосфера на емисијата во живо, а меѓу концертите, делови од турнејата ќе може да се следат и ексклузивно на INTV и на социјалните мрежи, во форма на видеа и клипови. Организаторите најавуваат дека целата турнеја ќе биде претставена како вистинско реалити шоу!
Ексклузивно откриваме и дел од екипата која ќе ги придружува вокалистите на турнејата:
👉 Влатко Секуловски,
👉 Влатко Гајда,
👉 Ненад Стоименов и
👉 Драган Степаноски.
Со ваква постава и расположение, нема сомнеж дека публиката во Австралија ја очекува незаборавна македонска музичка приказна! 🇲🇰
Oрганизатор на оваа турнеја е ИНТВ ✨
Сите настапи ќе бидат проследени од сателитската INTV, а патува и екипа од IN продукција која ќе ја покрие целата турнеја и ќе ги донесе најинтересните моменти до гледачите ширум светот.
Leave a Reply