АВСТРАЛИЈА ВАКЦИНИРАШЕ ПОЛОВИНА ОД ВОЗРАСНАТА ПОПУЛАЦИЈА, СЕ НАЈАВУВА ОЛЕСНУВАЊЕ НА МЕРКИТЕ

ПОВЕЌЕ ОД ПОЛОВИНА ОД ВОЗРАСНАТА ПОПУЛАЦИЈА ВО АВСТРАЛИЈА ДО ДЕНЕСКА Е ЦЕЛОСНО ВАКЦИНИРАНА ПРОТИВ КОВИД-19, СООПШТИЈА ЛОКАЛНИТЕ ВЛАСТИ.

Повеќе од половина од возрасната популација во Австралија до денеска е целосно вакцинирана против Ковид-19, соопштија локалните власти кои настојуваат дополнително да го забрзаат процесот на вакцинација за да се олеснат строгите рестриктивни мерки.

Австралија моментално е во екот на третиот бран на зараза со делта варијантата, која брзо се шири, што ги затвори двата најголеми града, Сиднеј и Мелбурн и главниот град Канбера. Мерката зафати речиси половина од 25 -те милиони жители на Австралија.

Сојузната држава Викторија има 733 нови случаи на инфекција, што е втор најголем број случаи за еден ден по вчерашните 766. Повеќето случаи се регистрирани во Мелбурн.

Во Нов Јужен Велс има 1.043 нови инфекции, нешто помалку од вчерашните 1.063 случаи.