На свадба во турскиот град Адана настана хаос откако гостите започнаа да се тепаат затоа што не можеле да се договорат околу музиката.
Додека едни се туркаа и тепаа, други фрлаа со столици на сите страни. Како што пренесуваат турските медиуми, невестата и младоженецот доаѓаат од различни региони на Турција, па и двајцата сакале на свадбата да има традиционална музика од нивните родни места.
Диџејот го решил проблемот така што наизменично пуштал различна музика, но очигледно тоа не ги задоволило гостите, па ситуацијата набрзо ескалирала во масовна тепачка.
На крајот морала да интервенира и полицијата, но никој не бил уапсен. Младенците потоа ја напуштиле свадбата, а истото го сториле и нивните гости.
