Состојбата во Авганистан, но и другите геополитички поместувања со себе носат непредвидливост што пак е потенцијална можност за хуманитарни, бегалски, кризи, но и терористички закани и насилен екстремизам. Шефот на дипломатијата, Бујар Османи, токму поради тоа смета дека Македонија треба да биде подготвена да одговори на се тоа.
„ДРЖАВАТА ТРЕБА ДА СЕ ПОСТАВИ, ВО СМИСЛА НА ДЕФИНИРАЊЕ НА ЕДНО СТРАТЕШКО АНТИЦИПИРАЊЕ, ЗГОЛЕМЕНА ПОДГОТВЕНОСТ ЗА ДА МОЖЕ ДА ОДГОВОРИ НА ОВИЕ ПРЕДИЗВИЦИ, А НЕ ПОСТФЕСТУМ ДА РЕАГИРАМЕ“, РЕЧЕ ОСМАНИ.
На Стратешкиот совет на МНР во дебатата се слушнаа различни апсекти за тоа како авганистанската криза ќе влијае геополитички и која е курсот кој треба Македонија да го држи по ова прашање, а нов бегалски бран кон Европа е она што сите го очекуваат. Универзитетскиот професор Нано Ружин кој не очекува да се повтори бегалски бран како во 2015 година, пред се поради пограничните ѕидови во меѓувреме изградени во Турција и Грција, сепак смета дека институциите мора да бидат подготвени.
„МОРА ДА СЕ ИЗГРАДАТ ОДРЕДЕНА ПРОГРАМА ИЛИ СТРАТЕГИЈА КАКО ДА СЕ СООЧИМЕ НАЈЕФИКАСНО СО ОВОЈ ПРОБЛЕМ. ВТОРО ДА НЕ ЧЕКАМЕ ТИЕ ДА НИ ДОЈДАТ НА ГРАНИЦА, ЗНАЧИ СЕПАК ДА БИДЕМЕ ПОДГОТВЕНИ“, Е СТАВОТ НА РУЖИН.
Дека во земјава миграциските политики се само на хартија е став на Ана Крстиновска од ЕСТИМА, според која е време тоа да се смени.
„ЕУ ВЕЌЕ ИЗЛЕЗЕ СО НЕКОИ НЕОФИЦИЈАЛНИ БРОЈКИ ДЕКА ДО 2022 ГОДИНА ЌЕ МОЖЕ ДА ПРИМИ ОКОЛУ 30.000 БЕГАЛЦИ, МЕЃУТОА НЕ САМО ОД АВГАНИСТАН, ТУКУ ОД СИТЕ ЗЕМЈИ И ТОА ПАСОЛУТНО НЕ Е НЕКОЈА ГОЛЕМА БРОЈКА. МИСЛАМ ДЕКА И НИЕ ТРЕБА ДА СИ УТВРДИМЕ, ВО ОДНОС НА НАШИТЕ РЕСУРСИ КОЛКАВ Е МАКСИМАЛНИОТ БРОЈ, ТАА ГОРНА ГРАНИЦА НА МИГРАНТИ КОЈА ШТО МОЖЕМЕ ДА ЈА ПРИМИМЕ“, Е СТАВОТ НА КРСТИНОВСКА.
За неа клучно прашање е и дали тие мигранти би останале во земјав или не и дали Македонија може да го искористи тоа за да го пополни дефицитот на луѓе и кадри во одредени региони поради иселувањето од земјава.
И Драган Тилев од Секретаријатот за европски прашања е со став дека мора да се изготви план на подолг рок по прашањето на бегалците.
„ПРОГНОЗАТА Е ДЕКА ОКОЛУ 500.000 ВО НАРЕДНИТЕ ТРИ ДО ЧЕТИРИ МЕСЕЦИ ЌЕ ГО НАПУШТАТ АВГАНИСТАН ОД СЛИЧНИ ПРИЧИНИ. ШТО ЗНАЧИ ДЕКА БРОЈОТ КОНТИНУИРАНО, ВО ДИНИТЕ ТРИ – ЧЕТИРИ МЕСЕЦИ, ЗНАЧИ НЕ ЗБОРУВАМЕ ЗА ПОДОЛГ ТУКУ ЗА ПОКРАТОК ПЕРИОД, ЌЕ СЕ ЗГОЛЕМУВА. СО ТО ЌЕ СЕ ЗГОЛЕМУВА И ПРИТИСОКОТ НА СИТЕ ОНИЕ ДРЖАВИ КОИ ШТО ЌЕ ТРЕБА ДА ПОМАГААТ БИДЕЈЌИ СЕ ДЕЛ ОД НЕКОЈА АЛИЈАНСА“, СМЕТА ТИЛЕВ.
