Предметот за бруталното претепување на младата Сара во Охрид, случај кој предизвика огромен револт во јавноста, според информации доставени до Ohrid1, му е одземен на досегашниот јавен обвинител Стојанче Арнаудоски.
Оваа промена доаѓа во период на силни реакции во јавноста и барања за целосно и непристрасно расветлување на случајот.
Според информациите што ги доби Ohrid1, причината за одземањето на предметот од Арнаудоски е наводна блискост со семејството на осомничениот Кристијан Корабоски.
Станува збор за семејството на Љубинка Корабоска, поранешна претседателка на Државната комисија за спречување на корупцијата, и нејзиниот сопруг Гоце Корабоски, кој во медиумските извештаи е наведен како инспектор во Управата за јавни приходи.
Според сознанијата доставени до редакцијата, Арнаудоски бил куќен пријател со семејството Корабоски. Овие информации засега не се независно потврдени, ниту има официјално образложение дека евентуалната блискост е причина за промена на обвинителот.
На официјалната веб-страница на Јавното обвинителство е потврдено дека Викторија Коваческа Мандулоска и Стојанчо Арнаудоски се обвинители во ОЈО Охрид.
Случајот доби дополнително внимание откако за осомничениот беа определени мерки на претпазливост наместо притвор. Слободен печат
Сега се поставуваат неколку сериозни прашања: Дали навистина постоел однос на блискост меѓу досегашниот обвинител и семејството на осомничениот? Дали таквиот однос бил пријавен како можна причина за изземање? И дали промената на обвинителот ќе влијае врз понатамошниот тек на постапката?
цел текст https://ohrid1.com/archives/128928
Семејството на младата Сара Георгиевска од Охрид, која беше жртва на брутално физичко насилство, во разговор за Ohrid1 апелира до граѓаните да се откажат од најавениот протест за утре пред Основното јавно обвинителство во Охрид. Тие се заблагодаруваат за огромната поддршка од јавноста, но по последниот развој на настаните во обвинителството и повторното определување притвор за осомничениот, велат дека во овој момент единствено им се потребни мир и закрепнување на нивната ќерка.
По промената на јавниот обвинител кој постапуваше по предметот, Стојанчо Арнаудоски, и преземањето на случајот од обвинителката Викторија Коваческа Мандулоска, според информациите со кои располага Ohrid1, побаран е и определен притвор за осомничениот, кој повторно се враќа во притвор.
цел текст https://ohrid1.com/archives/128930
извор на информавиите ОХРИД 1
фото авторско право Охрид 1