Фудбал, традиција и заедништво ги обединуваат Македонците во Мелбурн
Само уште 3 дена нè делат од почетокот на еден од најзначајните македонски спортско-културни настани во дијаспората – MASO CUP & FESTIVAL 2026, кој традиционално, секоја година, ги обединува македонските фудбалски клубови од цела Австралија.
Оваа година, домаќин на големиот македонски собир е Мелбурн, поточно Preston, на стадионот Genis Steel Stadium, каде од 23 до 25 јануари 2026 година ќе се одржи тридневен фестивал исполнет со фудбал, емоции, македонска култура и традиција.
MASO Cup не е само спортски турнир – тој е симбол на идентитетот, заедништвото и љубовта кон Македонија, каде генерации Македонци од дијаспората се собираат за да ја негуваат традицијата и да го пренесат македонскиот дух на помладите.
На турнирот ќе настапат македонски клубови од цела Австралија, кои ќе се натпреваруваат во повеќе категории:
Men’s Division 1, Division 2, Over 35, Over 45 и U21, што ветува возбудливи натпревари, силна конкуренција и вистинска фудбалска атмосфера.
Посебна чест и емоција ќе донесе свеченото отворање, на кое македонската химна ќе ја изведе познатата виолинистка Сања Зделар, која специјално за овој настан допатува од Македонија. Нејзиниот настап ќе биде уште еден доказ дека, иако далеку од татковината, Македонија силно чука во срцата на нашите иселеници.
Во рамки на настанот, на 23 јануари во познатиот македонски ресторан „Mystic“, ќе се одржи и свечена вечера, на која ќе присуствуваат организатори, учесници, гости и поддржувачи на македонската заедница.
Организаторите, заедно со домаќините Preston Lions Football Club, упатуваат отворена покана до сите Македонци и пријатели на македонската култура:
👉 да дојдат со семејството и пријателите,
👉 да ја донесат енергијата,
👉 и да бидат дел од овој голем македонски празник.
MASO CUP 2026 – три дена фудбал, три дена гордост, три дена Македонија во срцето на Австралија.
🏆⚽️🇲🇰
