Уште една руска провокација која има за цел да забие клин меѓу Бугарија и Македонија и да ја искриви вистината до крајно невозможен степен.
Вака бугарскиот професор Пламен Павлов, ја оценува честитката од амбасадата на Русија во Скопје по повод празникот Св. Климент Охридски.
Како што објави БГНЕС, реакцијата на Павлов, кој според агенцијата, е еден голем познавач на бугарската и балканската средновековна историја, следи по честитката од руската амбасада во која пишува дека Св.Климент Охридски бил „голем просветител, прв словенски епископ, еден од основоположниците на кирилското писмо кое ги поврзува современите руски и македонски јазици”.
Во објавениот текст се наведува и дека руската амбасада во Софија никогаш не и` го честитала овој празник на Бугарија и на бугарскиот народ.
