Висок партиски функционер од Алтернатива за ТВ 24 брифира дека Гаши во телефонски разговор со Заев, му кажал дека пред да седне на маса со него ќе се види со своите коалициски партнери Зијадин Села и Христијан Мицкоски за да ги информира дека добил покана од Заев за преговори за Влада, а дури потоа да се види со него.
Според истиот функционер во Алтернатива се чека конкретна понуда од Заев – која не треба да има помалку од две министерски места, плус заменички плус директорски. А следната недела, партиските органи ќе треба да решат дали понудата им е прифатлива.
Се очекува до крајот на неделата да се реализира средбата Заев – Гаши на која ќе се договори идната евентуална соработка.
