Лидерот на ДУИ, Али Ахмети, вечерва во дебатното издание „Click Plus“ на ТВ21 се осврна и на кандидатите за градоначалници на Град Скопје.
Според него, независната кандидатка, поддржана од ВМРО-ДПМНЕ, Данела Арсовска нема искуство, додека пак кандидатот од СДСМ и актуелен градоначалник на Град Скопје, Петре Шилегов, бил најдобриот досега.
„Арсовска не е доволно искусна да го води градот. Од друга страна, Шилегов работеше доста во својот мандат. Доста проекти се реализирани. Тој е еден од најдобрите градоначалници. Шилегов треба да победи во Скопје“, порача Ахмети.
