На удар на ковид 19 се невакцинираните лица, но со вирусот се заразуваат и вакцинираните. Иако бројот на амбулантски прегледи се зголемува, голем дел од вакцинираните кои се инфицирани си заминуваат на домашно лекување. Секој вакциниран граѓанин има поголем шанси да ја помине болеста полесно, вели директорката на Инфективната Клиника, Милена Стевановиќ во емисијата „Магазин“.
Таа вели дека во новиот бран поголем дел од луѓето се лекуваат во домашни услови, нешто што апсолутно треба да се избегнува.
-Она што го заблежуваме во овој четврти бран, има масовно самолекување, лекување во домашни услови, со освежување. Ковидот не се лекува со освежување. Потребни се низа на разлчни мерки кои во домашни услови се невозможни за примена – вели Стевановиќ.
