Речиси 50 лица се водат како исчезнати по потонувањето на брод во кој имало 60 луѓе во близина на северниот брег на Сенегал, објави Армијата на оваа африканска земја.
Бродовите на морнарицата спасиле 11 патници и го извлекле телото на еден удавен човек откако добиле порака дека бродот се превртел на околу 35 километри од устието на реката во Сенегал. Меѓу спасените има осум државјани на Сенегал и тројца од Гамбија.
Во тек е операција за пребарување, но нема други информации за патниците или нивната дестинација.
Од почетокот на годината, има забележително зголемување на бројот на мигранти кои тргнаа на опасно патување од Африка до Канарските Острови во Шпанија, честопати во многу сиромашни и пренатрупани бродови со несигурни мотори.
