Велика Британија почнува да ги враќа своите војници од Авганистан по завршувањето на британската операција за евакуација од аеродромот во Кабул, објавија светските агенции.
Утрово, авион на Кралското воздухопловство со војници слета во базата на Кралските воздухопловни сили во Брајз Нортон, северозападно од Лондон. Тие се дел од британскиот воен контингент со 1.000 војници, кој беше стациониран во Кабул за да помогне во обезбедувањето на воздушниот мост.
Британските летови за евакуација на државјаните на Обединетото кралство и Авганистанците генерално завршија, иако шефот на британските вооружени сили, генералот Ник Картер, рече дека денеска ќе има многу малку.
Британија соопшти дека депортирала повеќе од 14.500 луѓе од главниот град на Авганистан во изминатите две недели, но додаде дека 1.000 Авганистанци со право да дојдат во Обединетото Кралство не успеале да се евакуираат.
Вчера премиерот Борис Џонсон вети дека ќе стори сé што е можно за да евакуира повеќе луѓе од Авганистан во Британија на други начини, без да соопшти детали.
