Викендов во Перт се одржа одлична забава која што ја организираше единствената македонска телевизија во Австралија, ИН ТВ по повод 9-тиот роденден.
Сателитската телевизија, која важи за најголемиот промотор на македонските музичари и македонската песна ширум целиот свет, реши да направи своја манифестација преку која ќе ги избере најуспешните и најпопуларни македонци во Австралија, кои низ сите овие години на свој начин допринеле за ширење на македонската традиција и култура.
Откако изборот беше одржан пред недела дена во Мелбурн, овојпат признанија добија најуспешните лица и здруженија во Перт.
Кирјана Камчевска, Маријана и Мишела Димоски, Славе Мицески, Македонскиот културен центар “Илинден”, Македонската Православна Црковна Општина “Св. Никола” од Перт и западна Австралија, Македонската народна Општина “Вардар”, Драган Ковачески, Николче Симоновски-Јошка, Драган Капинков и други.
Забавата беше надополнета со убави македонски песни кои ги изведоа македонски музичари кои што живеат во Австралија. Настапија Иван Радевски, Ленче Маркоска Петреска, Љупчо Николовски, а специјални гости на вечерта беа Јошката и Владе Јованоски.
Караванот на најуспешните и ИН ТВ продолжува во Волонгонг на 22-ри Февруари. Специјален гостин ќе биде познатиот пејач од Македонија, Ташко Каранфиловски кој во моментов ја остварува првата Австралиска турнеја.
