„Македонскиот мајчин јазик е најубавиот јазик” и најблизок до срцата на Македонците.. Со широка насмевка на лицата и изразена благодарност, денес, 25.10.2025 учениците од 1 во до 4 то одделение при Викториското училиште за јазици (VSL Keilor Downs) примија книги од непознато другарче од Велес, Македонија. Оваа акција е плод на долгогодишната соработката на Клубот на писатели, Коста Солев Рацин од Велес и МЛД “Кочо Рацин” од Мелбурн, кои овојпат спроведоа акција за учениците кои го изучуваат македонскиот јазик во Викториското училиште за јазици во Килор Деонс.
Книгите беа предадени на наставничкиот колегиум, од претседателката на МЛД “Кочо Рацин”, Мелбурн, Гордана Димовска. Книгите ги прими наставничката Мирјана Стојчевска при што ги запозна децата за оваа убава акција а потоа им ги разделија на учениците.
МЛД “Кочо Рацин постои од 2014 година а во 2016 е официјално регистрирано како Македонска литературна асоцијација Мелбурн во Consumer Affairs Victoria.
Благодарност до Sonja Gavrilova, Lili Arsova Nove Mladenovski за спроведувањето на оваа акција. Огромно благодарам од нашите ученици до нивните другарчиња во Велес како и нивните родители кои се инволвираа во оваа акција.
Наставнички во овој училишен центар се Мирјана Стојчевска, Гордана Димовска, Весна Дамчевска (координатор), Анета Вангелова Ристевска, Сања Домазетовска, Соња Енџекова Сопотска (Доктор по филолошки науки), кои се посветени и со голема љубов го пренесуваат јазичното богатство на младите генерации. Благодариме до сите нив и за поддршката на оваа акција. И нека ова биде нов почеток на ваков вид акции за најмладите. И во иднина ќе продолжиме да градиме мостови на соработка на релација Австралија – Македонија. Веруваме дека секогаш ќе ни биде приоритет негувањето на македонскиот јазик – симболот на нашето национално постоење, лична карта на Македонецот каде и да е. Јазикот е она што не обединува.
Македонија е наша заедничка мајка која не одгои во тој дух да се бориме за тоа што сме, да го браниме своето но и да се гордееме со нашите национални белези.
With broad smiles and expressions of gratitude, today, 25.10.2025 students in grades 1-4 at the Victorian Language School (VSL Keilor Downs) received books from an anonymous friends in Veles, Macedonia. The event was the result of a long-term collaboration between the Writers’ Club of Melbourne, Kosta Solev Racin from Veles, and the MLA Koco Racin of Melbourne.The gift books were received by teacher Mirjana Stojcevska, who introduced the children to the beautiful event and then distributed the beautifully wrapped gifts to the pupils.The MLA “Kocho Racin” – Melbourne has been in existence since 2014 but officially registered at Consumer Affairs Victoria in 2016 with the aim to promote Macedonian language and literature.
Macedonian faculty teachers: Mirjana Stojcevska, Gordana Dimovska, Vesna Damcevska (Language coordinator), Anita Vangelov, Sanja Domazetovska, Sonja Endzekova-Sopotska (Doctor of Philological Sciences)
Leave a Reply