Поранешниот амерички претседател Доналд Трамп повика на драстични промени во пристапот со проблемите на менталното здравје и безбедноста во школите во САД поради пукањето во школото во Тексас каде загинаа 19 деца и неколку наставници.
Зборувајќи за унапредување на безбедноста во школите, Трамп истакна дека секое школо треба да има само еден влез, јаки огради и детектори за метал како и во секое школо да има полиција или наоружано обезбедување.
“Тоа не е проблем за пари, тоа е немање волја. Ако САД има да испрати 40 милијарди долари на Украина, тогаш може да се погрижи и за безбедноста во школите.” – истакна Трамп
