о голема радост и благодарност, Црковната управа заедно со парохискиот свештеник, отец Стојан Пешовски, ја известуваат јавноста за уште едно значајно дело од хумана и христијанска важност во новоизградената црква.
Имено, во новата црква е инсталиран клима уред, донација од Борче Пејоски и неговите синови Адријан, Антонио и Алекс Пејоски, како и нивниот семеен бизнис „AAA & B AIR“, кои несебично го подарија уредот и целосно ја реализираа неговата инсталација.
Оваа донација е од исклучително значење, особено во летните месеци, кога високите температури го отежнуваат престојот во храмот за време на богослужбите, крштевките, венчавките и другите црковни обреди. Со ова хумано дело, верниците ќе имаат попријатни и подостоинствени услови за молитва и духовно собирање.
Црковната управа и отец Стојан Пешовски упатуваат искрена и срдечна благодарност до семејството Пејоски за нивната поддршка, човечност и љубов кон Црквата, кои се вистински пример за тоа како со дела се покажува верата.
Нека Господ им подари здравје, среќа, семејна хармонија и успех во нивната работа, а нивното добродетелство нека им се врати повеќекратно. ✝️
Leave a Reply