Песна на летото во Охрид – блескави настапи и благодарница за Влатко Мелбурн Гајда

Во вторникот на летната сцена во Охрид се одржа уште едно издание на фестивалот „Песна на летото“, кој традиционално ги собира најдобрите изведувачи и ја претставува македонската музичка сцена во најубаво светло.

Покрај натпреварувачкиот дел, публиката имаше можност да ужива и во ревијалната програма, која беше вистинско освежување додека траеше гласањето. Настапија повеќе музички имиња, а особено внимание привлече гостувањето на Влатко Мелбурн Гајда – еден од најдобрите и најбараните гајдаџии меѓу македонската заедница во Австралија.

Со својот маестрален настап Влатко ја воодушеви охридската публика и уште еднаш докажа зошто ужива голем углед и респект во дијаспората. Организаторите му врачија и благодарница – награда за најдобар настап во ревијалниот дел, со што вечерта доби дополнителна симболика и емотивна тежина.

„Песна на летото“ уште еднаш потврди дека е еден од најочекуваните настани на летната музичка сцена, кој ги спојува уметниците, публиката и емоциите во едно незаборавно искуство.