22 издание на Курајчки карневал се очекува и да е најдоброто до сега!

За забавата ќе бидат задолжени најдобрите Влатко Миладиновски,Дамјан Стојановски и Дарко Стојановски,пејачи кои моментално носат најмногу публика.

Жителите на охридското село Куратица и годинава 22 пат славата на селото по повод празникот Свети Василиј Велики ќе го одбележат со голем карневал под маски. Курајчани се подготвени да ги пречекаат сите заинтересирани за нивната веќе традиционална веселба.

Според веќе воспоставената практика, карневалска програма и овојпат почнува на 13 јануари во 18 часот со поаѓање на василичарската поворка од пред васличарскиот оган до сите домаќинства во селото, што трае во текот на целата ноќ до раните утрински часови.

Централниот настан на манифестацијата е на 14 јануари од 19 часот, додека самата парада на макскираните василичари е предвидена за 20:30 часот. Вечерта ќе биде збогатена со забавна музичка програма, додека во 22:30 часот е предвидено прогласување на најуспешните маски, и тоа во две категории, за деца и возрасни. Веселбата со уметниците Влатко Миладиноски, Златко Миладиноски, Дамјан Стојаноски и Дарко Стојаноски со огномет ќе трае до раните утрински часови.

Жителите на Куратица велат дека карневалот е стар исто колку што е старо и селото. Непотврдени податоци говорат дека маскирањето во Куратица има традиција што датира од далечната 1575 година.

Be the first to comment

Leave a Reply

Your email address will not be published.


*