Следува извонреден Фолк Фест Валандово со квалитетни хитовски песни – најавува општината организатор на фестивалот


Вкупно 20 нови  песни ќе бидат интерпретирани на годинашново издание на Фолк Фест Валандово кое ќе биде на 30-ти и 31-ви мај . Според програмата на 30 ти мај ќе биде ревијалната вечер кога ќе бидат изведени песни хитови од поранешните изданија на овој реномиран фестивал, додека на 31-ви ќе биде финалната вечер кога на сцената на ,,Јанко Узунов’’ ќе продефилираат естрадни имиња кои оставиле белег на музичката фолк сцена во земјава или пак се во новиот бран пејачки имиња со новите 20 песни кои ќе бидат во конкуренција за една од наградите .

,,Станува збор за Фестивал кој е важен не само за нашата општина туку и за целата држава, бидејки е еден од ретките  кој остана да функционира а има фестивалски оркестар во живо и за нас како локална самоуправа како мала општина преставува предизвик да го организираме, бидејки преку него се промовираме а песните се пеат низ целиот свет,, кажа градоначалникот на Валандово Перо Костадинов кој подвлече дека пред фестивалот на плоштадот во Валандово ќе има три музички вечери со Ѓоко Јовиќ, Астра бенд и Сузана Гавазова

Изборот на песните го направи комисија при програмскиот Совет на Фолк Фест Валандово предводен од Живоин Глишиќ а водители на годинашново фестивалско издание се Ѓорги Калајџиев и Ирена Спировска.

,,Следува извонреден Фолк Фест, со загарантиран квалитет, задоволна публика и многу нови фолк хитови, од огромно значење за македонската култура и традиција’’ објави на својата ФБ фан страна Општина Валандово каде деновиве се одржа прес конференција и се изврши ждребување на редоследот на песните.

  1. Добредојде таго – Благоја Груевски
  2. Не ти верувам – Ивана Наумова,
  3. Моја Мирјана – Јовица Мицевски,
  4. Имав јас се – Бобан Цаневски
  5. Седма зима – Елена Андоновска
  6. Планина голема – Стојне Николова
  7. Илина – Драган Мијалковски
  8. Бараш крадец – Горан Тодоровски
  9. Не си ми суден – Сандра Милковска
  10. Љубовта е маѓија – група Академци
  11. Пеј Соња – Миленце Атанасов
  12. Земи или остави – Ивана Стојановска
  13. Пишано и неизбришано – Христијан Димитриевски
  14. Да се разбираме – Мими Јовановска
  15. Фотографија заборавена – Ивана Серафимовска
  16. Студ и бес во срце носам – Зуица Лазова
  17. Туѓа а моја си – Душко Ѓеоргиевски
  18. Тука сум јас – Јуле Николовска
  19. Дано лична Дано – Далибор Ѓошиќ
  20. Љубов преку граница – распеани Валандовчани

Be the first to comment

Leave a Reply

Your email address will not be published.


*